ភ្នំពេញ៖ នារសៀលថ្ងៃទី ១៩ ខែធ្នូ ឆ្នាំ ២០២៥ គ្រឹះស្ថានមីក្រូហិរញ្ញវត្ថុ ប៊ែមប៊ូ ហ្វាយនែន ភីអិលស៊ី មានសេចក្តីសោមនស្សរីករាយយ៉ាងក្រៃលែង ក្នុងការនាំយកអំណោយសប្បុរសធម៌ ប្រគល់ជូនដល់ កាកបាទក្រហមកម្ពុជា ដើម្បីចាត់ចែងឧបត្ថម្ភដល់ ជនភៀសសឹក និងប្រជាពលរដ្ឋដែលកំពុងរងគ្រោះ និងខ្វះខាតខ្លាំង។

អំណោយសប្បុរសធម៌ដែលបានប្រគល់ជូនសរុបជាទឹកប្រាក់ប្រមាណ ២០​,០០០​,០០០ រៀល រួមមាន៖

• ភួយចំនួន ៨៦៧ ភួយ

• មុងចំនួន ៨៦៧ មុង

• ថវិកាចំនួន ៥,៥០០,០០០ រៀល

គ្រឹះស្ថានមីក្រូហិរញ្ញវត្ថុ ប៊ែមប៊ូ ហ្វាយនែន ភីអិលស៊ី តែងតែគិតគូរដល់សុខទុក្ខរបស់ប្រជាពលរដ្ឋ និងបញ្ហាសង្គមនានា ហើយតែងតែចូលរួមចំណែកជួយដល់ការខ្វះខាត ឬតម្រូវការចាំបាច់របស់សង្គមជាតិ។

កម្មវិធីសប្បុរសធម៌នេះ គឺជាផ្នែកសំខាន់នៃបេសកកម្មរបស់គ្រឹះស្ថាន ក្នុងការចូលរួមលើកកម្ពស់ស្មារតីសាមគ្គីភាព និងការចែករំលែកដើម្បីជួយសម្រាលទុក្ខលំបាករបស់បងប្អូនប្រជាពលរដ្ឋដែលងាយរងគ្រោះបំផុត។